首先工作方面, 依家做左份part-time都有一個月喇!  幸好畀我遇著好既上司﹑同事 & 客!  返工就好似玩咁 (唔使錢有得玩都幾happy)!  不過因為有時要OT,  導致唔返到朝早份工!  呢方面就曳d囉,  平時收兩點都仲可以有五個鐘瞓。 但收三點 / 四點的話,  都咪話唔辛苦!!  攰到癲哂,  就算朝早起到身返工,  成個上晝都恰眼瞓!  之前part-time上司問我轉唔轉全職,  返左兩個禮拜就咁睇得起我,  其實好開心架!!  但係始終日夜癲倒而且少咁多假放,  梗係唔會諗啦!  我諗以後免得過都唔OT喇,  唔想無左份正職呀!!

但身體真係差左好多,  返左part-time之後甩好多頭髮添呀!!!!!  以前最多咪幾條,  依家好似人地化療咁,  成"炸"甩出黎......好驚呀!!  希望可以有筆橫財cover哂xx,  我就唔使打兩份工咁慘喇!  嗚...

返兩份工攰到咁, 當然少左去玩啦!  連放假都唔多想出街,  留喺屋企煲劇休息好過!  岩先個禮拜仲要病到死死下,  SAT原本留喺屋企抖 (有FD生日都推左)!  點知九點幾我阿爸無啦啦爆嘈我,  忟到癲哂即刻換衫衝出街!  至愛喺基地咪諗住落去hea下囉,  悶悶地呷左幾啖一支都冇, 埋單照除我$190!!!!  我無出聲照畀,  但心諗咁不如我上去個FD生日會好過! ><""

感情方面隻豬對我好好,  好錫我!  雖然佢唔鍾意我返part-time,  但無講d咩!  一齊耐左分開下都未嘗唔係一件好事!  今次一齊返大家既感情仲好過以前,  但對於將來都唔敢抱咩期望。 費是到時又有變啦!  不過講真除左識我好耐好close既人之外,  其他FD都覺得我係蒲精﹑唔認真﹑玩世不恭﹑會take野既人!   當然呢d係剩係睇我表面既人既感覺啦!  但豬由一開始就無過問無干涉過,  佢都會有時講話唔畀我去,  不過我堅持的話佢都唔會畀說話,  畀面口我睇!  其實呢d係對我有信心,  定唔關心我呢??   定係...佢對自己太有信心呀?